Манчестер, 13 мај 2025 (МИА) - Трошоците за организирање на патувањето на пријателите и роднините на играчите на Манчестер Јунајтед до финалето на Лигата на Европа против Тотенхем во Билбао на 21 мај ќе ги сносат самите ѕвезди на „црвените ѓаволи“, објави Би-Би-Си.

Според изворот, на секој играч му биле дадени по два бесплатни билети за натпреварот. Тие исто така ќе можат да купат уште 10 билети за решавачкиот натпревар.

Раководството на клубот е заинтересирано да се погрижи што е можно повеќе од 15.000 билети доделени на Манчестер Јунајтед да им бидат доделени на навивачите. Во исто време, вработените во клубот нема да добијат бесплатни билети за натпреварот. дс

Фото: Архива