Фудбалерите на Баерн незадоволни од однесувањето и работата на Нагелсман
- Фудбалерите на Баерн Минхен се незадоволни од тренерот Јулијан Нагелсман, пишува „Билд“. Според германскиот весник, играчите веруваат дека нивниот предводник неуспешно управува со тимот при
![Фудбалерите на Баерн незадоволни од однесувањето и работата на Нагелсман](https://mia.mk/index.php/images/20221114002553_big_730x400_23.webp )
Минхен, 12 октомври 2022 (МИА) - Фудбалерите на Баерн Минхен се незадоволни од тренерот Јулијан Нагелсман, пишува „Билд“. Според германскиот весник, играчите веруваат дека нивниот предводник неуспешно управува со тимот при неуспешни натпревари.
Исто така, на играчите не им се допаѓа ротацијата на составот и замените за време на игрите. Забележано е дека Нагелсман му ветил на Џамал Мусиала место во стартниот состав за натпреварот од Лигата на шампионите против Интер (2:0), но го оставил играчот од средниот ред на резервната клупа.
Мусиала се согласи со одлуката на тренерот, но разочарувањето го изрази во разговор со челниците на тимот. Покрај тоа, играчите на Баерн се незадоволни од однесувањето на Нагелсман. Ѕвездите на тимот се загрижени од прекумерната импулсивност во изјавите на тренерот.
Нагелсман е на чело на Баерн од јули 2021 година. Тимот е трет во Бундеслигата 2022/23 со 16 бодови од девет натпревари - Баерн Минхен го има најлошиот почеток на сезоната во последните 12 години. зс/