Мадрид, 4 ноември 2024 (МИА) - Тренерот на Милан - Пауло Фонсека не пропушти да им изрази поддршка на настраданите од поплавата во Валенсија. Пред гостувањето на „росонерите“ кај Реал Мадрид, Фонсека призна дека неговиот тим ќе биде многу мотивиран.

-За почеток, изразувам сочувство за жртвите од несреќата во Валенсија. Тешко е да се види што се случи. Нашите мисли се со луѓето кои настрадаа во овој трагичен момент. Во Италија имавме нешто слично, неспоредливо, но ние сме со луѓето од Валенсија, рече тој за поплавите во Валенсија.

За средбата со Реал Мадрид, Фонсека рече дека на ваков натпревар пристапуваат со голема мотивација и дека се соочуваат со тим кој вообичаено е кандидат за освојување на Лигата на шампионите.

На прашањето дали ремито ќе биде успешно за Милан, тренерот рече: „Искрено, секогаш размислувам и се трудам да им влеам желба за победа кај играчите. Утре нема да биде поинаку. Секогаш размислувам за победа, знаејќи дека Реал се исклучителен тим, но мислам само на победа. Леао ќе започне од почеток. Она што вообичаено се очекува од него е да биде одлучувачки фактор на натпреварот“. дс

Фото: Архива