Мадрид, 5 ноември 2024 (МИА) – Тренерот на Милан, Пауло Фонсека искажа комплименти за тренерот на Реал пред нивниот вечерашен дуел во Мадрид.

- Карло е мојот пример. Тој е најдобриот тренер во светот. Сè што ќе каже е важно и вреди да се слуша. Јас сум голем фан на Карло, не само како тренер, туку и како личност. Тој е пример за сите нас тренерите, изјави Фонсека.

Истовремено му се заблагодари за поддршката во време кога Милан не ги остварува очекуваните резултати. Италијанецот неодамна рече дека на секој тренер му треба одредено време и дека Милан има потенцијал.

-Му благодарам за оваа мисла. За мене ова е секогаш посебна средба, тој е референтна точка. За мене ова е мотивација и голем извор на гордост, додаде Фонсека.

Натпреварот Реал Мадрид – Милан се игра вечер со почеток во 21 часот и е во рамките на 4. коло од Лигата на шампионите.

Милан има три бода и се наоѓа на 25. место, додека Реал Мадрид собра шест бодови и во моментов е на 12. позиција. зс/

Фото: ЕПА