Скопје, 29 јануари 2026 (МИА) - Лидерот на СДСМ, Венко Филипче, најавува тужба против сопственикот на приватната клиника „Жан Митрев“ доколку се утврди дека не се точни наводите оти тој и поранешниот лидер на СДСМ, Зоран Заев, правеле рекет со цел да добијат дел од сопственичкиот удел во клиниката. 

- Ако Жан Митрев бил жртва на таков рекет како што кажува, што правел досега? Зошто тој не поднесува тужба, туку Обвинителството по допрен глас. Но, како и да е, нека ја завршат анализата, а потоа, откога ќе се утврди дека јас немам никаква вина, ќе поднесам приватна тужба за нарушување на честа и угледот затоа што нема да дозволам со вакви бандитски работи да ми се нарушуваат честа и угледот - изјави денеска Филипче одговарајќи на новинарски прашања по прес-конференцијата.

Познатиот кардиолог и сопственик на клиниката „Жан Митрев“ во телевизиско гостување посочи дека за време на корона-кризата му бил вршен притисок од страна на тогашниот премиер и министер за здравство со цел да добијат дел од сопственичкиот удел. бак/са/

Фото: МИА архива