Милано, 13 јуни 2025 (МИА) - Филипо Инзаги ја напушти Пиза како главен тренер по заедничка согласност, објави дебитантот во Серија „А“.

Тренерот заминува само неколку недели откако го водеше тосканскиот тим до промоција во највисоката лига на Италија.

Филипо Инзаги, постариот брат на Симоне, кој неодамна го напушти Интер за да го води саудискиот клуб Ал-Хилал, ја врати Пиза во елитната лига по 34 години отсуство во својата прва сезона во клубот.

Поранешниот италијански напаѓач ја започна својата тренерска кариера во Милан, каде што ја заврши својата играчка кариера, дури и ги водеше „росонерите“ една сезона, пред да ја освои промоцијата од третата лига со Венеција.

Се очекува Инзаги, кој го водеше и Беневенто до Серија „А“, сега да стане тренер на клубот од Серија „Б“, Палермо, според извештаите во италијанските медиуми. дс

Фото: Архива