Манчестер, 27 декември 2024 (МИА) - Манчестер Јунајтед загуби со 2-0 на гостувањето кај Вулверхемптон, а капитенот на „црвените ѓаволи“ беше исклучен поради два жолти картони.

Прво беше предупреден во 18. минута за прекршок над Матеус Куња, а на самиот почеток од вториот дел играчот од средниот ред згазна на ногата на Нелсон Семедо и вториот жолт картон значеше крај на играта за Португалецот.

Така Бруно Фернандеш го повтори антирекордот на Немања Видиќ, кој во една сезона (2008/09) на сите турнири беше исфрлен три пати.

Претходно, Фернандеш доби црвени картони на натпреварите со Тотенхем (0:3) во Премиер лигата на 29 септември и со Порто (3:3) во Лигата на Европа на 3 октомври. дс

Фото: Архива