Уште неколку денови ќе се работи на замената на цевка во тетовскиот водоснабдителен систем
- Поради постојано лизгање на земјиштето уште неколку денови ќе бидат потребни за да се заврши поставувањето на цевководот долг околу 60 метри во месноста Лешница со цел да се овозможи функцион
![Уште неколку денови ќе се работи на замената на цевка во тетовскиот водоснабдителен систем](https://mia.mk/index.php/images/20221106123529_big_730x400_82.webp )
Тетово, 1 март 2021 (МИА) - Поради постојано лизгање на земјиштето уште неколку денови ќе бидат потребни за да се заврши поставувањето на цевководот долг околу 60 метри во месноста Лешница со цел да се овозможи функционалност на новиот водоснабдителен систем, информираат од Јавното комунално претријатие „Тетово“. Со тоа во Тетово ќе надмине период од една недела како жителите имаат отежнато водоснабдување и рестрикции.
- Иако во петокот и саботата беше завршено носењето на трите дела од вкупно 60 метри цевковод тој не може да се користи поради лизгање на земјиштето и со тоа на цевките. Местото е калливо и ја отежнува работата со багери. Треба да направиме нова и подобра основа за поставување на цевката долга 60 метри и да се спои со водоснабдителниот систем. Работите ќе мора да траат уште неколку денови, информира Љуљзим Шаќири, раководител на работната единица „Водовод и канализација“ при ЈКП Тетово.
И понатаму остануваат на сила рестрикциите во водоснабдувањето поради недоволните 200 литри од стариот систем и бунарите. Водоснабдувањето е во прекин од полноќ до 5 часот, потоа од 8:30 до 11 часот и од 15 до 18 часот.
Минатиот вторник беше евидентиран проблемот откако 60 метри цевковод од новиот водоснабдителен систем беше уништен од свлечиште на земја поради што Тетово остана без 150 литри вода во секунда.ас/фф/