Урбаната интервенција „MOOD Workshop“ поставена во дворот на ОУ „Петар Поп Арсов“ во Скопје
- Урбаната интервенција „MOOD Workshop“ од МЕЛЕЕМ Скопје, која што е дел од проектот „Архитектонско Биенале Тбилиси - Што имаме заедничко“ е поставена во дворот на Основното училиште „Петар Поп
![Урбаната интервенција „MOOD Workshop“ поставена во дворот на ОУ „Петар Поп Арсов“ во Скопје](https://mia.mk/index.php/images/20221108222127_big_730x400_32.webp )
Скопје, 12 ноември 2021 (МИА) - Урбаната интервенција „MOOD Workshop“ од МЕЛЕЕМ Скопје, која што е дел од проектот „Архитектонско Биенале Тбилиси - Што имаме заедничко“ е поставена во дворот на Основното училиште „Петар Поп Арсов“ во Скопје.
Проектот, кој претставува соработка помеѓу четири градови, Скопје, Тбилиси, Киев и Берлин, има за цел да истражи што имаме заедничко помеѓу овие градови, но, и што имаме заедничко во јавниот простор.
Како што информираат од МЕЛЕЕМ Скопје, во изработката на проектот учествувале студенти по архитектура од Скопје и Тбилиси, по еднонеделна онлајн работилница на која подетално се разработувала темата MOOD, или какви расположенија јавните простори предизвикуваат кај нас.
Изработката на оваа дрвена интервенција која што е изработена со помош на параметрички дизајн, за прв пат во нашата земја во јавен простор, траела три недели.
Проектот е кофинансиран од програмата на Европска Унија - Креативна Европа и Министерството за култура на Република Северна Македонија.ар/са/
![](/articles/images/%d1%83%d1%80%d0%b1%d0%b0%d0%bd%d0%b0%d1%82%d0%b0-%d0%b8%d0%bd%d1%82%d0/IieVdHTJA/placeholder.webp?use_watermark=0)