Санта Круз де Тенерифе, 11 февруари 2025 (МИА) - Истражувачи од шпанската групација „Кондрик Тенерифе“ пред околу една седмица сними ретка површинска видеоснимка од грбава јадичарка (Melanocetus johnsonii) - риба што инаку плива во длабочините близу дното на океанот. Научниците сега потврдија дека рибата угинала.

Грбавата јадичарка се одликува со голема глава, остри заби и една биолуминисцентна „светилка“ на челото што ја користи како мамка за лов.

Тажната вест за рибата со необичен изглед растажи многумина, па еден покреативен обожавател, на „Инстаграм“ со помош над вештачка интелигенција создал и специјална анимација налик рибата Немо, којашто  собра 14 милиони прегледи. А пак, една корисничка на „Тик-ток“ објави дека „морскиот црн ѓавол“ е од женски пол, и оти „таа“ дошла „како предупредување, откровение, пророштво“ за нешто „скриено“ коешто следи...

@bellainter The anglerfish didn’t rise for nothing. She came as a warning, a revelation, a prophecy. A deep-sea creature built for the abyss surfaced against all odds—what does it mean for us? The hidden is coming to light. Are you ready? #Anglerfish #spiritualawakening #Prophecy #spirituality #spiritual ♬ Into The Light - Brand X Music

Сепак, доста корисници се согласуваат дека грбавата јадичарка и нејзиното угинување може да се „знак за предупредување“, но за опасностите по промените што се случуваат со климата, атмосферата, почвите и водите ширум цел свет.  си/ссм/

Фото: Тик-ток, фотоисечок