Тројца нови кошаркари во Академија ФМП
- Нови имиња во македонскиот кошаркарски прволигаш, Навико Академија ФМП за претстојната сезона ќе бидат Филип Бакоч, Недељко Кошанин и Дамјан Миса.
![Тројца нови кошаркари во Академија ФМП](https://mia.mk/index.php/images/20221108150412_big_730x400_77.webp )
Скопје, 26 август 2021 (МИА) – Нови имиња во македонскиот кошаркарски прволигаш, Навико Академија ФМП за претстојната сезона ќе бидат Филип Бакоч, Недељко Кошанин и Дамјан Миса.
Повремениот македонски репрезентативец Бакоч во својата кариера настапуваше и за екипите на Карпош Соколи, Охрид, Еуро Никел, а во Академија ФМП доаѓа од МЗТ Скопје Аеродром со кого минатата сезона ја освои шампионската титула.
Српскиот плејмејкер Кошанин во екипата на КК Навико Академија ФМП доаѓа од екипата на Беовук каде во просек постигнуваше 16.5 поени, 5.6 асистенции и 5 скокови по натпревар.
Миса кој доаѓа од редовите на КК Црн Дрим Грин Мобиле каде што во просек постигнуваше по 4 поени, 1.6 асистенции и 1.6 скокови во натпревар во својата кариера настапуваше и за екипите на КК МЗТ Скопје Аеродром и КК Куманово.
Претхпдно тренерот Александар Петровиќ го продолжи својот договор со екипата, исто како и најдобриот стрелец во лигата Стефан Крстајиќ, Лука Стојановски, Славчо Темелковски, Оливер Двојаковски, Никола Анастасовски, Никола Груевски, Филип Ѓоргиев. зс/