Охрид, 9 март 2026 (МИА) – Тројца државјани на Република Албанија се приведени поради вршење криволов на риба во македонските територијални води на Охридското Езеро.

Според соопштнието од СВР – Охрид, во периодот од 6 до 8 март во две одделни акциски контроли полициски службеници од Полициската станица за граничен надзор „Охридско Езеро“, во водите на Охридското Езеро од слобода ги лишиле лицата  Ј.Ц.(53), Е.Б.(50) и А.Ш.(21), сите од Република Албанија.

Приведените со пловни објекти илегално ја преминале македонско-албанската граница на езерото, и биле затекнати како во македонски територијални води вршат кривично дело „незаконит риболов“. Притоа по наредба на јавен обвинител им се запленети пловните објекти и рибарските мрежи со уловот.

По целосно документирање на случаите против тие лица се поднесени пријави по член 229 од Кривичниот законик - „незаконит риболов“ и по член 9 од Законот за гранична контрола - „илегално преминување на државната граница“. аб/вј/

Фото: МИА архива