Лондон, 5 септември 2022 (МИА) - Лиз Трас е избрана за нова претседателка на британската Конзервативна партија, што значи дека ќе го наследи Борис Џонсон на функцијата британски премиер. Трас добила 81.326 гласови, а за нејзиниот политички опонент, поранешниот британски министер за финансии, Риши Сунак, гласале 60.399 членови на Конзервативната партија. Излезноста на внатрепартиските избори изнесува 82,6 проценти. Трас во Владата на Џонсон ја извршуваше функцијата министерка за надворешни работи. Трас ќе биде трета британска премиерка, по Тереза Меј и Маргарет Тачер. Британската кралица Елизабета Втора утре во замокот Балморал во Шкотска ќе ја прими Трас и ќе ја именува за нова лидерка на ториевците и премиерка на Велика Британија. Потоа Трас ќе се врати во Лондон и ќе ги објави имињата на министрите во новата британска влада. Првата седница на новата британската влада ќе се одржи на 7 септември. За време на владеењето на кралицата Елизабета Втора сменети се 14 премиери. бд/ми/