Телефонски разговор Блинкен-Раб: Потврдени посебните односи помеѓу САД и Британија
- Американскиот државен секретар Ентони Блинкен и британскиот министер за надворешни работи Доминик Раб во првиот телефонски разговор ги потврдија посебните односи помеѓу САД и Велика Британија
![Телефонски разговор Блинкен-Раб: Потврдени посебните односи помеѓу САД и Британија](https://mia.mk/index.php/images/20221105192542_big_730x400_89.webp )
Вашингтон/Лондон, 28 јануари 2021 (МИА) - Американскиот државен секретар Ентони Блинкен и британскиот министер за надворешни работи Доминик Раб во првиот телефонски разговор ги потврдија посебните односи помеѓу САД и Велика Британија.
„Тие разговараа за претседателството на Велика Британија со Г7, мултилатералниот ангажман во борбата против климатските промени и пандемијата на Ковид-19“, соопшти Стејт департментот.
Блинкен и Раб ги истакнале надворешно-политичките приоритети на двете земји, кои ги вклучуваат односите со Кина, Иран и Русија.
Ентони Блинкен ја презеде функцијата во средата откако Сенатот го усвои предлогот на американскиот претседател Џо Бајден, со 78 гласа „за“ и 22 гласа „против“. паг/
![](/articles/images/london-smeta-deka-e-rechisi-sigurno-deka-true-eto-na-navalni-go-izvrsh/HKnela5cB/placeholder.webp?use_watermark=0)