Тековни активности на екипите на ЈП „Улици и патишта" - Скопје
- Екипите на ЈП „Улици и патишта“ - Скопје деновиве работат на санирање на средишните жардиниери на булеварите „ВМРО“ и „Партизански одреди“. Санирани се и оштетените пешачки патеки на улиците
![Тековни активности на екипите на ЈП „Улици и патишта](https://mia.mk/index.php/images/20221112152011_big_730x400_92.webp )
Скопје, 19 март 2022 (МИА) - Екипите на ЈП „Улици и патишта“ - Скопје деновиве работат на санирање на средишните жардиниери на булеварите „ВМРО“ и „Партизански одреди“. Санирани се и оштетените пешачки патеки на улиците „Филип Втори“ и „Брадфорска“.
Продолжува и санацијата на пешачките патеки во Градски парк, како и секојдневната санација на
ударни дупки на градските сообраќајници.
- Санација и обнова имаше на оштетените заштитни столпчиња на улиците во централно градско подрачје, како и на вертикалната сигнализација. Се обележуваат автобуските и такси постојките, а целосно е обележана и улицата „808“, информира претпријатието.
Во тек се и подготовките за семафоризација на булеварот „АСНОМ“ кај новиот мост, како и подготвување на инсталацијата на семафорите на крстосница бул. „Босна и Херцеговина“ со улица „Лазо Трповски“, соопшти ЈП „Улици и патишта“ - Скопје.
Екипите продолжуваат со извршување на тековните активности според предвидениот распоред и во наредните денови. цр/хс/
![IMG-7054b69ad0e803c7c143ad3cca82f138-V](/articles/images/%d1%82%d0%b5%d0%ba%d0%be%d0%b2%d0%bd%d0%b8-%d0%b0%d0%ba%d1%82%d0%b8%d0/yOUXuHd0P/placeholder.webp?use_watermark=0)
![Пешачки премин](/articles/images/%d1%82%d0%b5%d0%ba%d0%be%d0%b2%d0%bd%d0%b8-%d0%b0%d0%ba%d1%82%d0%b8%d0/LkN1U82a9/placeholder.webp?use_watermark=0)