Теквондистот Георгиевски освои бронза на „Президент купот“ во Истанбул
- Најдобриот македонски теквондист Дејан Георгиевски имаше успешен настап на престижниот „Президент Куп Г2“ во Истанбул, освојувајќи го денеска бронзениот медал.
![Теквондистот Георгиевски освои бронза на „Президент купот“ во Истанбул](https://mia.mk/index.php/images/20230205201110_big_730x400_82.webp )
Истанбул, 5 февруари 2023 (МИА) – Најдобриот македонски теквондист Дејан Георгиевски имаше успешен настап на престижниот „Президент Куп Г2“ во Истанбул, освојувајќи го денеска бронзениот медал.
Георгиевски го обезбеди медалот со сигурна победа во четвртфиналето против домашниот претставник Демирчиоглу со 2-0, по што во полуфиналето во израмнета борба загуби од актуелниот олимписки првак Сисе од Брегот на Слоновата коска со 2-0.
Георгиевски, кој на Олимписките игри 2020 во Токио го освои сребрениот медал во категоријата над 80 килограми, со успешниот настап на Купот во Истанбул освои и нови бодови за олимписка норма за Игрите 2024 во Париз. ег/ир