Брисел, 15 јули 2021 (МИА) - Компаниите можат да им забранат на своите вработени под одредени услови да носат хиџаб (марама за покривање на косата) на работното место, пресуди Европскиот суд на правдата за два случаи иницирани од муслиманки во Германија. И во двата случаи, тие жени беа суспендирани од работа поради носење хиџаб. Носењето хиџаб е контроверзно прашање низ цела Европа со години и покажува големи разлики во начините за решавање на муслиманската интеграција. Две муслиманки, едната вработена во установа за згрижување деца, а другата касиерка во Мулер, не носеле хиџаб кога почнале да работат, но одлучија да го сторат тоа неколку години подоцна по враќањето од породилно отсуство. Им било кажано дека тоа не е дозволено, а потоа биле суспендирани и им било кажано да дојадат на работа само доколку не носат хиџаб. Судот мораше да одлучи дали станува збор за повреда на слободата на вероисповед или повреда на слободата на деловната активност и желбата на работодавачот да им се претстави на своите клиенти на неутрален начин. ми/