Студенти од 56 земји аплицираа за летна пракса во бугарскиот институт ИНСАИТ
- Студенти од 56 земји аплицираа за летна пракса во бугарскиот Институт за компјутерски науки, вештачка интелигенција и технологии ИНСАИТ, при софискиот универзитет „Свети Климент Охридски“.
![Студенти од 56 земји аплицираа за летна пракса во бугарскиот институт ИНСАИТ](https://mia.mk/index.php/images/20240402170544_big_730x400_9.webp )
Софија, 2 април 2024 - Студенти од 56 земји аплицираа за летна пракса во бугарскиот Институт за компјутерски науки, вештачка интелигенција и технологии ИНСАИТ, при софискиот универзитет „Свети Климент Охридски“. Меѓу кандидатите има претставници на водечки универзитети од САД, Германија, Велика Британија, Швајцарија, Кина, Индија и други. Кандидати има и од далечни земји, како Непал, Индонезија, Етиопија и други, соопшти прес-центарот на Министерството за образование и наука (МОН).
Ова е веста, која денеска ја избра МИА од сервисот на Бугарската телеграфска агенција (БТА), согласно Договорот за размена на информации и професионална соработка, кој предвидува секој ден националните информативни агенции на Северна Македонија и Бугарија да разменуваат по една вест, која ќе ја објават на својот интернет сајт без промени со изрично посочување и цитирање на партнерот како извор.
Одобрените кандидати се помалку од 3 отсто или само 23 студенти, меѓу кои и четворица Бугари. Тие ќе имаат можност да работат со истражувачи од Институтот во период од 8 до 12 недели почнувајќи од јуни. Ова е второ издание на програмата, а успесите на ИНСАИТ во изминатата година во областа на вештачката интелигенција, големите јазични модели и компјутерската визија го зголемуваат интересот за неа.
Меѓу одобрените кандидати има и златни медалисти од меѓународни олимпијади и натпревари, а некои веќе имаат научни публикации на авторитетни научни конференции. Меѓу учениците таму се рангирани во првите 1 отсто од најталентираните деца од земји како Иран, Индија, Кина и други.
Институтот за научни истражувања во областа на компјутерските технологии (ИНСАИТ) е дел од структурата на софискиот универзитет „Свети Климент Охридски“. Има стратешко партнерство со Швајцарските федерални институти за технологија во Цирих и Лозана и привлече средства од компании како бугарскиот SiteGround, Гугл, Амазон, VMWare, како и од голем број претставници на бугарскиот екосистем.
Пред околу два месеца, ИНСАИТ најави и почеток на програма за практикантска работа, наменета за бугарски студенти, според која ќе им се дава стипендија од 2.000 лева месечно за најталентираните млади луѓе.
Како што објави БТА на 19 февруари оваа година, почнувајќи од денеска имаме огромно задоволство да објавиме една исклучителна и единствена иницијатива за Бугарија - почеток на програма за стипендирање на талентирани студенти кандидати од областа на математиката и информатиката. Програмата има за цел да ги поддржи нашите најталентирани деца во Бугарија, за да можат да се развиваат на светско ниво - овде на терен и да можат да ја позиционираат Бугарија како технолошки лидер, рече проф. Мартин Вечев, научен директор на ИНСАИТ.
На презентацијата на програмата присуствуваа и премиерот Николај Денков, министерот за образование и наука Галин Цоков, ректорот на Софискиот универзитет „Свети Климент Охридски“, Георги Валчев, деканот на Факултетот за математика и информатика Маја Стојанова, како и претставници на бизнисот.
Медиумската информативна агенција овие текстови ги објавува во оригинална форма, согласно Договорот за размена на информации и професионална соработка меѓу двете национални новински агенции МИА и БТА.