Стојковиќ по поразот од Бразил: Во Катар дојдовме со бројни проблеми
- Селекторот на Србија, Драган Стојковиќ ги знае причините за поразот од Бразил (0:2) синоќа во 1. коло на Светското првенство 2022 година.
![Стојковиќ по поразот од Бразил: Во Катар дојдовме со бројни проблеми](https://mia.mk/index.php/images/20221128071219_big_730x400_35.webp )
Лусаил, 25 ноември 2022 (МИА) - Селекторот на Србија, Драган Стојковиќ ги знае причините за поразот од Бразил (0:2) синоќа во 1. коло на Светското првенство 2022 година.
- Знаеме кој е Бразил. Ние во Катар дојдовме со бројни проблеми, повреди на клучни играчи, во лошо време. Сето тоа беше видливо на теренот. Ние не сме Бразил со 200 милиони жители. Ние сме мала земја. Атмосферата на стадионот беше одлична. Беше задоволство да се биде на стадионот таа вечер. Во вториот дел тензијата на теренот беше висока. Им дадовме премногу простор на Бразилците, нашите играчи беа многу уморни, не знам зошто. Мора да се подготвиме за следните натпревари да бидеме многу подобри, изјави Стојковиќ за „Л'Екип“.
Во следното коло Бразил на 28 ноември ќе игра против Швајцарија, додека Србија ќе се сретне со Камерун. зс/