Столтенберг: Руската војна во Украина влегува во критична фаза
- Руската војна во Украина влегува во „критична фаза“ благодарение на контраофанзивата на Киев, изјави генералниот секретар на НАТО Јенс Столтенберг.
![Столтенберг: Руската војна во Украина влегува во критична фаза](https://mia.mk/index.php/images/20221113215543_big_730x400_31.webp )
Брисел, 9 септември 2022 (МИА) - Руската војна во Украина влегува во „критична фаза“ благодарение на контраофанзивата на Киев, изјави генералниот секретар на НАТО Јенс Столтенберг.
- Украинските сили успеаја да ја запрат офанзивата на Москва во Донбас, да нападнат зад руските линии и да ја вратат територијата“, рече тој за време на денешната прес-конференција со американскиот државен секретар Антони Блинкен. - Само во изминатите неколку дена, видовме дополнителен напредок и на југ во Херсон и на исток во регионот Харков.
Тој рече дека тоа ја покажува „храброста, умешноста и одлучноста на украинските сили. И тоа покажува дека нашата поддршка прави разлика на првите линии секој ден“.
- Западната солидарност не смее да попушти сега, и покрај енергетската криза и зголемените трошоци за живот, смета Столтенберг.
- Но, цената што ја плаќаме се мери во пари, додека цената што ја плаќаат Украинците се мери со животи“, рече Столтенберг. И сите ние ќе платиме многу повисока цена ако Русија и другите авторитарни режими видат дека се наградува нивната агресија.
- Ако Русија престане да се бори, ќе има мир. Ако Украина престане да се бори, таа ќе престане да постои како независна нација. Затоа мораме да продолжиме, рече тој, „за Украина и за нас“. ссм/
![Столтенберг Блинкен](/articles/images/%d1%81%d1%82%d0%be%d0%bb%d1%82%d0%b5%d0%bd%d0%b1%d0%b5%d1%80%d0%b3-%d1/hIiHzKtBY/placeholder.webp?use_watermark=0)