Спасовски и Дујовски во посета на кампот за обука на МВР во Лазарополе
- Министерот за внатрешни работи Оливер Спасовски и деканот на Факултетот за безбедност - Скопје, проф. д-р Никола Дујовски денеска беа во посета на кампот за обука на Министерството за внатреш
![Спасовски и Дујовски во посета на кампот за обука на МВР во Лазарополе](https://mia.mk/index.php/images/20221113165424_big_730x400_93.webp )
Скопје, 28 јуни 2022 (МИА) - Министерот за внатрешни работи Оливер Спасовски и деканот на Факултетот за безбедност - Скопје, проф. д-р Никола Дујовски денеска беа во посета на кампот за обука на Министерството за внатрешни работи во Лазарополе, каде студентите од Факултетот за безбедност се на практична настава – логорување.
Министерот Спасовски имал можност одблиску да ги проследи практичните сценарија реализирани од страна на студентите кои се однесуваат на: начини, формации и тактики на движење при совладување на отворен и пошумен простор, тактики на движење во затворени објекти, заседа и блокада, гаѓање со вежбовен школски пиштол и вежбовна автоматска пушка – AIRSOFT опрема.
Како што соопштија од МВР, Спасовски и Дујовски се дружеле со студентите, а министерот за внатрешни работи ги охрабрил уште попосветено да ги совладуваат теоретските и практичните цели на обуката, затоа што безбедносниот систем има потреба од врвно едуцирани и подготвени млади луѓе кои ќе се вклучат во реализацијата на безбедносните практики во државата. цр/дма/
![1](/articles/images/%d1%81%d0%bf%d0%b0%d1%81%d0%be%d0%b2%d1%81%d0%ba%d0%b8-%d0%b8-%d0%b4%d/f4SbpXsZP/placeholder.webp?use_watermark=0)
![5](/articles/images/%d1%81%d0%bf%d0%b0%d1%81%d0%be%d0%b2%d1%81%d0%ba%d0%b8-%d0%b8-%d0%b4%d/YDSMhl3wQ/placeholder.webp?use_watermark=0)