Спасени четворица косовски државјани кои заглавиле во снегот на Галичица
- Министерството за внатрешни работи попладнево соопшти дека се спасени четворица косовски државјани, кои заглавиле во снегот на Галичица.
![Спасени четворица косовски државјани кои заглавиле во снегот на Галичица](https://mia.mk/index.php/images/20230304165755_big_730x400_44.webp )
Скопје, 4 март 2023 (МИА) - Министерството за внатрешни работи попладнево соопшти дека се спасени четворица косовски државјани, кои заглавиле во снегот на Галичица.
- На 03.03.2023 во 19.00 часот во СВР Битола било пријавено дека во националниот парк Галичица во снег има заглавени странски државјани. Полициски службеници и екипи од Територијалната противпожарна единица Ресен и од стражарска служба Галичица излегле на терен и во 19.50 часот лицата биле пронајдени, извлечени од снегот и безбедно упатени до граничен премин Стење, соопшти МВР.
Министерството додава дека се работи за четворица косовски државјани кои биле со патничко моторно возило „фолксваген пасат“ со косовски регистарски ознаки. нд/
Фото: МИА архива