Собрани 86 крвни единици во крводарителска акција во Велес
- Собрани се 86 крвни единици во 32-та летна традиционална акција за дарување крв, што вчера и денеска се реализира во „Европската куќа“ во Велес. Четири лица првпат дарувале крв во рамки на оваа акција.
![Собрани 86 крвни единици во крводарителска акција во Велес](https://mia.mk/index.php/images/20240826181906_big_730x400_8.webp )
Велес, 26 август 2024(МИА) - Собрани се 86 крвни единици во 32-та летна традиционална акција за дарување крв, што вчера и денеска се реализира во „Европската куќа“ во Велес. Акцијата е во организација на велешкиот Црвен крст во соработка со Институтот за трансфузиона медицина од Скопје.
Од велешкиот Црвен крст се заблагодарија на крводарителите кои ја покажале нивната хуманост на дело. Четири лица првпат дарувале крв во рамки на оваа акција.
Собраните единици крв ќе бидат распределени според потребите на болниците низ државава. ад/бд/
Фото: МИА