Силни експлозии во украинскиот град Николаев
Киев, 2 јули 2022 (МИА) - Силни експлозии се слушнаа рано утрово во украинскиот град Николаев, изјави градоначалникот Олександр Сенкевич во објава на социјалните мрежи.
„Во градот се слушаат силни експлозии! Останете во засолништа!“, напиша Сенкевич на апликацијата Телеграм.
Не е познато што ги предизвикало експлозиите.
Пред експлозиите, сирените за воздушен напад се огласија низ регионот на Николаев. паг/
