Се зголемува капацитетот на градинката „Срничка“ во Пробиштип
- Градоначалникот на Општина Пробиштип, Драган Анастасов денеска информираше дека веќе е во тек доградбата на четири нови занимални и еден мултифункционален простор, со кујна и тоалети во склоп
![Се зголемува капацитетот на градинката „Срничка“ во Пробиштип](https://mia.mk/index.php/images/20221113194256_big_730x400_57.webp )
Пробиштип, 10 август 2022 (МИА) - Општина Пробиштип ги проширува капацитетите за сместување и грижа на децата од претшколска возраст. Градоначалникот на Општина Пробиштип, Драган Анастасов денеска информираше дека веќе е во тек доградбата на четири нови занимални и еден мултифункционален простор, со кујна и тоалети во склоп на објекот „Срничка" при детската градинака „Гоце Делчев".
Проширувањето на овој капацитет е во финална фаза.
- Веќе од септември капацитетот ќе биде отворен за да згрижи 70 дечиња, при што се отвара простор и за јаслена група. Со реализација на овој проект значително се подобруваат условите за згрижување на дечиња, вели Анастасов.
Посочи дека проектот е финансиран од Министерство за труд и социјална политика, преку Светска банка и вкупната вредност изнесува 27 милиони денари. вдј/цр
![thumbnail_297225603_494996535959306_6095453841992761705_n](/articles/images/%d1%81%d0%b5-%d0%b7%d0%b3%d0%be%d0%bb%d0%b5%d0%bc%d1%83%d0%b2%d0%b0-%d/pOhu1UrSk/placeholder.webp?use_watermark=0)
![thumbnail_298240070_494996619292631_6319063190961058622_n](/articles/images/%d1%81%d0%b5-%d0%b7%d0%b3%d0%be%d0%bb%d0%b5%d0%bc%d1%83%d0%b2%d0%b0-%d/7fes6kYZX/placeholder.webp?use_watermark=0)