СЕХА ги одложи сите натпревари на неодредено време
- Извршниот комитет на регионалната ракометна СЕХА Газпром лига донесе одлука за прекин на натпреварувањето на неодредено време.
![СЕХА ги одложи сите натпревари на неодредено време](https://mia.mk/index.php/images/20221112142802_big_730x400_1.webp )
Скопје, 8 март 2022 (МИА) - Извршниот комитет на регионалната ракометна СЕХА Газпром лига донесе одлука за прекин на натпреварувањето на неодредено време.
- На состанокот на Извршниот комитет на СЕХА, одржан во вторник, 8 март 2022 година, донесена е одлука сите натпревари од СЕХА – Газпром лигата во сезоната 2021/22 да се одложат до дополнително известување, со цел да се заштити регуларноста на натпреварувањето. За сите дополнителни промени и ажурирања, сите заинтересирани ќе бидат навреме известени, објави СЕХА на својот официјален сајт.
Во сезоната 2021/22 досега се одиграни пет натпревари, два во А-групата и три во Б-групата.
Од македонските екипи, Еурофарм Пелистер во А-групата го победи Партизан на гостински терен, додека Вардар кој игра во Б-групата, има победа над Војводина и два пораза од Нексе. зс/