Серена по елиминацијата од Вимблдон: Имам сериозна мотивација да станам посилна и да играм на УС опен
- Американската тенисерка и поранешен прв светски рекет Серена Вилијамс ја објави својата намера да игра на УС опен оваа година.
![Серена по елиминацијата од Вимблдон: Имам сериозна мотивација да станам посилна и да играм на УС опен](https://mia.mk/index.php/images/20221113165710_big_730x400_2.webp )
Лондон, 29 јуни 2022 (МИА) - Американската тенисерка и поранешен прв светски рекет Серена Вилијамс ја објави својата намера да игра на УС опен оваа година.
Вилијамс ноќта меѓу 28 и 29 јуни, загуби од Французинката Армони Тан во првото коло на Вимблдон (5:7, 6:1, 6:7 (7:10)).
-Сега дефинитивно имам сериозна мотивација да станам посилна и да настапам во мојот дом УС Опен, изјави 40-годишната Вилијамс.
Годинава Отвореното првенство на САД ќе се игра од 29 август до 11 септември. зс/