Северна Македонија заедно со шест држави членки на ЕУ ќе реализира тригодишен проект за знаења во зелена и дигитална транзиција
- Северна Македонија заедно со Португалија, Шпанија, Италија, Холандија, Германија и Грција ќе реализира тригодишен проект за знаења во зелена и дигитална транзиција „SEBCoVE – Smart Electricity for Buildings” финансиран од Европската комисија со вкупен буџет од три милиони евра.
![Северна Македонија заедно со шест држави членки на ЕУ ќе реализира тригодишен проект за знаења во зелена и дигитална транзиција](https://mia.mk/index.php/images/20240827135214_big_730x400_71.webp )
Стар Дојран, 27 август 2024 (МИА) - Северна Македонија заедно со Португалија, Шпанија, Италија, Холандија, Германија и Грција ќе реализира тригодишен проект за знаења во зелена и дигитална транзиција „SEBCoVE – Smart Electricity for Buildings” финансиран од Европската комисија со вкупен буџет од три милиони евра.
На панелот што се одржа денеска во Стар Дојран и со кој беше означен почетокот на проектот во нашата држава, покрај партнерските организации на SEBCoVE проектот- Центарот за Развој на Југоисточниот Плански Регион, Сојуз на Стопански Комори на Македонија и Емкице КИЦ, учествуваа и министрите за јавна администрација, Горан Минчев, за локална самоуправа, Златко Перински и за дигитална трансформација, Стефан Андоновски, како и претставници на повеќе амбасади во земјава, еменентни професори од земјава и странство и градоначалници од Југоисточниот плански регион.
Според министерот за јавна администрација Горан Минчев, спроведувањето на овој проект нуди можност за подобрување на стандардите на јавниот сектор преку интегрирање на нови, напредни компетенции во обуката и образованието на работниците.
- Еден од нашите приоритети е целосна поддршка на процесот на едукација и обука на јавната администрација. Обуката на нашите вработени е критична за успешно управување со новите дигитални алатки и решенија. Ние ќе се фокусираме на организирање квалитетни и ефективни обуки кои ќе овозможат вработените во јавниот сектор да бидат подготвени за предизвиците кои ќе произлезат од дигиталната ера, истакна министерот Минчев.
За министерот за дигитална транасформација, Стефан Андоновски, присуството на тројца министри од Владата е доказ дека централната власт не заборава на локалните иницијативи и ги поддржува.
- Овој проект освен за градежништвото има и многу големо значење за дигиталната трансформација на државата. Како Министерство за дигитална трансформација и Влада наш сериозен фокус е дигитализацијата во сите области на живеењето, затоа што градбите се управувуваат со се посложени системи, тие градби не се само асфалт, цемент, бетон и арматура, тие се паметни системи на управување, системи на ладење и затоплување, кои се управуваат преку интернет, тоа се системи кои се управуваат преку сензори и овие модерни згради денес се многу повеќе од една обична градба и се значајни за нашите животи, кои се повеќе и повеќе се дигитални, рече Андоновски.
Министерот за локална самоуправа, Златко Перински, потенцираше дека процесот на дигитализација се движи напред и може да направи позитивни промени во развојот на општините, но и на државата.
- Очекувам овој проект, во кој покрај нашата и учествуваат уште шест земји членки на ЕУ, да даде силен импулс за попаметен и побрз раст и развој и нови вештини и знаења. Гаранција за одржливоста на проектот во нашата држава е јасно изразената политичка и стратешка определба, и на централно и на локално ниво. Локалната самоуправа, којашто обезбедува важни услуги за граѓаните, е важна алка во тој процес, истакна министерот Перински.
Претседателот на Советот за развој на Југоисточниот плански регион, Славе Андонов, истакна дека овој регион е препознатлив по своите богати природни ресурси, но и енергетски потенцијали, но се соочува со предизвици кога станува збор за одржливиот развој и дигиталната трансформација.
Инаку, партнерите на проектот се едни од најдобрите во нови технологии и за дигитална транформација во ЕУ со локалните власти, а учесниците на настанот од K4I и Archers се think-thank во Европскиот парламент со ЕУ пратениците и ЕУ комесарите.
Дополнително на настанот учествува и директорот на Тесла Научниот центар од Њујорк (Tesla Science Center New York) и претседател на асоцијација на акцелератори и инвеститори во дигитални технологии на градот Њујорк.
Мотото на проектот е „Тригалници на знаењето“, кој подразбира трипартитна соработка на академскиот, јавниот и приватниот сектор е концептуална рамка щто ја претставува интеракцијата и интеграцијата на три клучни комппоненти: образование, истражување и иновации. Овој модел ја нагласува меѓусебната поврзаност и меѓусебното зајакнување на овие елементи за да се поттикне економскиот раст, општествениот напредок и создавањето економија базирана на знаење.рт/цр
Фото: МИА