Скопје, 13 јули 2024

Според информациите од граѓаните во Неготино и околината, ситуацијата во неготинско со пожарите е алармантна. Во моментов беснее пожар кој се заканува на населено место, викенд населбата Калањево. Граѓаните информираат дека нема доволна механизација ниту навремена реакција од надлежните. 

Додека целиот државен врв е надвор од земјата, прашуваме каде е Силјановска да реагира на кризата? 

Дали воопшто се издадени потребните наредби за ангажирање на сите расположливи ресурси за гаснење на пожарите? 

Состојбата се влошува од ден во ден, државниот врв да се разбуди и да менаџира. 

СДСМ смета дека е потребно прогласување на вонредна состојба на регионот Неготино и итна консолидација и реакција на сите институции. Доколку е потребно итно да се обезбеди поддршка од соседните земји.

Центар за комуникации со јавност

_____________________________________________

МИА овие текстови ги објавува во интегрална и оригинална форма и не е одговорна за нивната содржина, ниту за евентуалните правописни недоследности или печатни грешки