СДСМ: Почит за ликот и делото на Делчев, не успеа сценариото на агентите на хаосот, Мицкоски и Апасиев
Скопје, 4 февруари 2023
Институциите на системот денеска не дозволија да успее сценариото на оние кои не и мислат добро на земјата и сакаат на било каков начин да создадат тензии, судири а со тоа да и наштетат.
Покрај сите предизвици, денеска достоинствено и гордо се оддаде почит за ликот и делото на македонскиот великан, визионер, револуционер, Гоце Делчев.
Граѓаните и државата не дозволија да се погази придонесот и значењето на Делчев, не дозволи да се повреди националната гордост и чувства на македонскиот народ , не дозволи злоупотреби за политичките валканици на агентите на хаосот.
Пропаднаа обидите на Мицкоски, Апасиев и ВМРО-ДПМНЕ, заедно со нивните истомисленици од другата страна на границата и бугарското ВМРО.
Хаосот на којшто работеа не се случи.
Им благодариме на сите граѓани за нивниот придонес, покажаниот разум, свест и чувство за државност, како и на сите надлежни институции, безбедносни служби и партнерски организации.
ВМРО-ДПМНЕ е прочитана. Ќе остане запаметено дека лажните патриоти од ВМРО-ДПМНЕ и заложникот на Апасиев, Христијан Мицкоски, се обидоа да го поделат народот и денеска, да го извалкаат делото на Делчев и тоа не им успеа.
Идеалите на Делчев се многу поголеми и посилни.
Сега е важно да продолжиме по вистинскиот, европскиот пат на единство и сплотеност за државните и национални интереси.
Само така може да ги оствариме нашите заеднички цели. Заедно да ја водиме нашата држава кон полноправно членство во Европската Унија, каде што и припаѓаме, во големото европско семејство на државотворни народи.
Центар за комуникации со јавноста на СДСМ
—————————————————————————————————————————
МИА овие текстови ги објавува во интегрална и оригинална форма и не е одговорна за нивната содржина, ниту за евентуалните правописни недоследности или печатни грешки.
