Скопје, 30 јуни 2025

Секој нов тендер е скандал во Министерството за внатрешни работи со сите елементи на корупција и партиски клиентелизам.

Под раководство на Панче Тошковски, МВР доделило милионски тендер за организирање возачки испити во Пелагонискиот регион на новооснована фирма „Супер Возач“, зад која стои функционер на ВМРО-ДПМНЕ, советникот во Општина Кичево – Филип Митрески.

Оваа фирма е регистрирана само три месеци пред распишување на тендерот.

Смрди на корупција и на претходно договорени дилови.

На ваков начин практично фирмата добива монопол врз профитабилен бизнис од јавен интерес – сите полагања во Битола, Прилеп и Ресен.

Станува збор за сериозни индиции дека тендерот бил однапред наместен, дека целата процедура е креирана за да се обезбеди профит за партиски блиски структури. 

Ваков модел на доделување јавни услуги – на нови фирми без искуство, контролирани од партиски кадри – 
претставува класичен партиски грабеж.

Ова е веќе втор крупен сомнителен тендер во МВР за краток период, по скандалот со набавката на униформи. Наместо борба со криминал, МВР станува извор на корупција во живо!

СДСМ бара итно:

-Државната комисија за спречување на корупцијата да отвори предмет и да испита целиот процес;

-Основното јавно обвинителство да покрене постапка по допрен глас;

Македонија не смее да биде плен на организиран партиски грабеж. Институциите мора да постапат, а одговорност мора да има – и ќе има.

СДСМ - Центар за комуникации со јавноста

________________________________________________________________________________________ 

МИА овие текстови ги објавува во интегрална и оригинална форма и не е одговорна за нивната содржина, ниту за евентуалните правописни недоследности или печатни грешки.

Фото: МИА архива