Доха, 16 август 2024 (МИА) - Соединетите Американски Држави денеска претставија нов предлог за прекин на огнот во Газа, со кој се отстрануваат преостанатите разлики во позициите, се наведува во заедничкото соопштение на Египет, Катар и САД.

Во него се потенцира дека со измените се овозможува брзо спроведување на договорот, во согласност со принципите изложени од претседателот на САД Џо Бајден на 31 мај.

Соопштението е објавено по средбата на преговарачите во Доха, која се одржа вчера и денеска. ссм/

фото: архива