Руската армија ќе добие повеќе од 70 борбени авиони Су-57

Повеќе од 70 борбени авиони од петтата генерација Су-57 ќе бидат испорачани на руската војска до 2027 година, вклучително и неколку авиони оваа година, соопшти руската државна технолошка корп

Од Пандорка Арсовска-Гацова

06:23, 15 октомври, 2021

Руската армија ќе добие повеќе од 70 борбени авиони Су-57

Москва, 15 октомври 2021 (МИА) - Повеќе од 70 борбени авиони од петтата генерација Су-57 ќе бидат испорачани на руската војска до 2027 година, вклучително и неколку авиони оваа година, соопшти руската државна технолошка корпорација Ростек. Ростек коментираше статија во американското списание Нешнал Интерест (National Interest), во која се тврди дека е малку веројатно дека Су-57 ќе биде оперативен пред 2027 година, објави агенцијата ТАСС.

„Руските авиони од петтата генерација прават Западот да не се чувствува удобно. Су-57 и новиот руски ловец често стануваат цел на лажни вести. Станува збор за неточни факти кои немаат никаква врска со реалноста. Авионот веќе се произведува и испорачува. До 2027 година ќе бидат испорачани повеќе од 70 авиони, а неколку веќе оваа година“, се наведува во соопштението на Ростек. Руската новинска агенција додава дека руската воздушна флота ќе добие 22 авиони Су-57 до 2024 година, а тој број ќе се зголеми на 76 до 2028 година. паг/