Русија тврди дека спречила украински обид за киднапирање на авион-бомбардер
- Агентите на руската Федерална служба за безбедност (ФСБ) тврдат дека блокирале обид на Украина да организира киднапирањ на рускиот стратешки бомбардер Ту-22М3.
![Русија тврди дека спречила украински обид за киднапирање на авион-бомбардер](https://mia.mk/index.php/images/20240708084724_big_730x400_91.webp )
Москва, 8 јули 2024 (МИА) - Агентите на руската Федерална служба за безбедност (ФСБ) тврдат дека блокирале обид на Украина да организира киднапирањ на рускиот стратешки бомбардер Ту-22М3.
„ФСБ на Руската Федерација спречи нов обид на украинските специјални служби да изведат операција за киднапирање стратешки бомбардер Ту-22М3 на руските воздушни сили“, се наведува во соопштението.
ФСБ денеска на својата веб-страница објави дека украинските власти се обидуваат да регрутираат руски пилот.
„Украинското разузнавање имаше намера да регрутира руски воен пилот за парична награда и обезбедување италијанско државјанство, за да го убеди да лета и да слета со носач на ракети во Украина“, тврди ФСБ.
Се додава дека е откриена е вклученост на специјални служби на земјите од НАТО во подготовката и спроведувањето на операцијата.
Украина засега не ги коментираше ваквите тврдења. ссм/
фото: Википедија/илустрација