Русија соопшти дека неутрализирала 17 украински беспилотни летала
- Руските сили синоќа неутрализираа 17 украински беспилотни летала чија цел биле уништување складиште за гориво во Ростовската област, на југот на земјата, каде што се наоѓа воениот штаб на руската операција во Украина.
![Русија соопшти дека неутрализирала 17 украински беспилотни летала](https://mia.mk/index.php/images/20240515092658_big_730x400_68.webp )
Москва, 15 мај 2024 (МИА) - Руските сили синоќа неутрализираа 17 украински беспилотни летала чија цел биле уништување складиште за гориво во Ростовската област, на југот на земјата, каде што се наоѓа воениот штаб на руската операција во Украина.
-Во текот на ноќта беа спречени неколку обиди на режимот во Киев да изврши терористички напади врз цели на територијата на Русија, се вели во соопштението на Министерството за одбрана.
Руските одбранбени системи пресретнаа и уништија 17 беспилотни летала во неколку погранични региони на Украина, како и десет ракети ATACMS над полуостровот Крим, се додава во соопштението.
Во Ростовската област, два дрона оштетија складиште за гориво и предизвикаа експлозии, објави локалниот гувернер Василиј Голубев на Телеграм. мс/
фото: МИА архива