Русија почна големи поморски вежби во Балтичко Море
- Руската армија најави дека во нејзините вежби, што треба да траат до 15 јуни, ќе учествуваат до 40 бродови и чамци, 25 авиони и околу 3.500 лица.
![Русија почна големи поморски вежби во Балтичко Море](https://mia.mk/index.php/images/20230605124504_big_730x400_71.webp )
Москва, 5 јуни 2023 (МИА) – Русија денеска соопшти дека почнала да поморски вежби во Балтичкото Море, еден ден откако земјите-членки на НАТО ги почнаа годишните вежби на Балтикот.
На вежбите на НАТО учествуваат 6.000 персонал, 50 бродови и повеќе од 45 авиони, а Финска првпат учествува како членка на Алијансата, соопшти американската морнарица.
Руската армија најави дека во нејзините вежби, што треба да траат до 15 јуни, ќе учествуваат до 40 бродови и чамци, 25 авиони и околу 3.500 лица.
Москва, исто така, денеска почна со вежби и во Јапонското Море и на далечното источно Охотско Море, во кои учествуваат повеќе од 60 воени бродови и помошни бродови од нејзината Пацифичка флота. сд/