Москва, 12 септември 2023 (МИА) - Украинските сили извршија напад со дрон врз градот Енергодар во близина на нуклеарната централа Запорожје, изјави денеска Алексеј Лихачев, шеф на руската државна корпорација Росатом.

Лихачев изјави дека вчера во Енергодар биле лансирани шест украински беспилотни летала и дека сите биле уништени од руската противвоздушна одбрана.

Нападнати се градскиот парк, Центарот за култура „Савременик“ и канцеларијата на Единствена Русија, посочи Лихачев, оценувајќи дека е очигледно дека ова е одговор на гласањето на жителите на Енергодар на локалните избори, пренесоа руските медиуми. 

Според него, во текот на еден ден од гласањето на локалните избори од 8 до 10 септември партијата Единствена Русија добила 86 отсто од гласовите на гласачите во Енергодар.

Нуклеарната централа Запорожје се наоѓа на левиот брег на реката Днепар, во близина на градот Енергодар.

Тоа е најголемата нуклеарна централа во Европа, а од октомври 2022 година, нуклеарната централа е под контрола на Руската Федерација. мс/

фото: ЕПА