Берлин, 17 февруари 2025 (МИА) - Германскиот вицеканцелар Роберт Хабер синоќа изјави дека администрацијата на американскиот претседател Доналд Трамп „покренала напад врз заедничките западни вредности“, што „не може да се сфати доволно сериозно“.

- Факт е дека се напушта она што некогаш дојде во Европа од Америка: владеењето на правото, либералната демократија и поредокот заснован на правила, рече Хабек, член на партијата на Зелените, за време на предизборната дебата што ја емитуваше германската телевизија РТЛ.

Во петокот, на првиот ден од Минхенската безбедносна конференција, американскиот потпретседател Џеј-Ди Венс ја критикуваше одлуката на германските партии да не соработуваат со екстремно десничарската Алтернатива за Германија (АфД), а Берлин остро ги отфрли неговите забелешки. ссм/

фото: архива