Охрид, 19 февруари 2025 (МИА) – Со сопствени средства и дел донации целосно е реновирано Интерното одделение во Општата болница во Охрид.

Зафатот опфаќа осовременување на болничките соби, работните простории, кабинетите, санитарните јазли и замена на надворешната столарија на објектот.

Интерното одделение при ЈЗУ Општа болница го карактеризира висока фрекфенција на пациенти како од градот така и од регионот, кои добиваат амбулантска и интрахоспитална нега.

„Преку реализација на овој проект се подобруваат квалитетот на здравствените услуги и условите за работа, се намалува ризикот за интрахоспитални инфекции и се зголемува енергетската ефикасност“, посочуваат од ЈЗУ „Општа болница – Охрид“.

Вкупната вредност на проектот за реновирање на објектот изгаден во 1978 година изнесува 4.5 милиони денари. аб/дма/

фото: ЈЗУ Општина болница Охрид