Скопје, 25 ноември 2024

Општина Илинден активно работи на реконструкција на улица „8“ во населба Илинден, пришто денеска се изврши првата фаза од поставувањето на првиот слој асфалт, во должина од 250 метри од вкупно планираните 550 метри.

Во рамки на градежните работи се врши целосна реконструкција на оваа улица пришто покрај асфалтирањето се гради и нов тротоар во должина од 300 метри, како и зафаќање на атмосферските води од коловозот. 

Градоначалникот на Општина Илинден, Александар Георгиевски изврши увид на терен и истакна дека со реконструкцијата значително ќе се подобри патната сообраќајна инфраструктура во општината,  бидејќи улица „8“ претставува главна сообраќајна артерија и поврзува повеќе стопански субјекти како и Здравствениот дом. 

Првата фаза од реализација на проектот се имплементира во соработка со Министерството за транспорт и врски, со обезбедени средства од Светска Банка. Втората фаза од реконструкцијата на оваа улица во должина од 500 метри заедно со изградба на нов тротоар и зафаќање и одведување на атмосферските води, Општина Илинден ќе ја реализира со сопствени средства од буџетот на Општината и истата ќе се имплементира веднаш после завршувањето на првата фаза. 

Општина Илинден 

________________________________________________________________________________________ МИА овие текстови ги објавува во интегрална и оригинална форма и не е одговорна за нивната содржина, ниту за евентуалните правописни недоследности или печатни грешки.

фото Општина Илинден