Мадрид, 2 декември 2024 (МИА) - Реал Мадрид реши да донесе дефанзивец следното лето. Веќе извесно време се споменува дека Алфонсо Дејвис е на мета на „кралскиот клуб“, а на листата на желби наводно се Трент Александер-Арнолд и Диого Далот.

Заминувањето на Трент Александер Арнолд на стадионот „Сантијаго Бернабеу“ се најавува веќе извесно време - но услов е да му истече договорот со Ливерпул.

Затоа во приказната влезе Диого Далот. Португалецот би можел да игра важна улога под водство на новиот тренер на Манчестер Јунајтед, Рубен Аморим, што значи дека скапо би го чинел Реал.

- Тој е многу моќен фудбалер. Понекогаш мораме да го ротираме... Иако изгледа секогаш свежо, тој не е машина. Тој игра подобро десно и ќе го користиме таму. Може да игра на двете крила. Далот е тимски играч, тоа се гледа во неговиот начин на игра - изјави Аморим по победата над Евертон.

Шпански „Релево“ тврди дека Португалецот нема да може да го напушти „Олд Трафорд“ доколку не се уплатат 50.000.000 евра на сметката на англискиот тим.

Тоа го разочара Реал Мадрид, кој сега на секој начин ќе се обиде да го доведе Трент како слободен играч. дс

Фото: Архива