Делчево, 4 ноември 2024 (МИА) - Расте бројот на читатели во јавната локална библиотека „Илинден“ во Делчево. Заклучно со денеска бројката е 902 читатели, од кои 675 се жени, а 227 се мажи.

- Радува фактот што бројот на мажи читатели можеби бавно, но се зголемува. Во месец октомври, ЈЛБ „Илинден“ ја посетиле 698 наши членови. Препорака на библиотеката до нашите членови за овој месец беше сѐ што имаме од авторот Сара Џио. Читателите, пак, најмногу барале наслови од Лусинда Рајли и Колин Хувер, информираше директорката Билјана Петровска.

Учениците, како што додаде, најмногу ги барале „Белото циганче“, „Петар Пан“,„Големи и мали“, „Епот за Гилгамеш„ и „Сид“, додека студентите најмногу барале литература од областа на медицината.  

Препорака на библиотеката за месец ноември е авторката Ина Мур. вс/ар/

Фото: ЈЛБ „Илинден“ Делчево