Бангкок, 8 август 2024 (МИА) - Распуштената тајландска партија „Продолжуваме напред“ ги обединува поддржувачите за да се подготви за нејзино повторно оживување под ново име и ново раководство, барајќи од нив да го изразат своето мислење на гласачките места, а не на улиците.

Партијата беше најголемата парламентарна сила додека Уставниот суд не ја распушти вчера поради нејзината програма за измени на строгиот закон со кој се казнуваат навредите на земјата. Според судот, ова би ги поткопало темелите на уставната монархија на Тајланд.

Се очекува партијата, која смета дека одлуката претставува опасен преседан за можни толкувања на уставот, утре да го објави своето ново име и раководство.

„Одиме напред кон нова партија - со нас доаѓаат сите наши 143 пратеници“, нагласија од партијата, уверувајќи дека никој од нив нема да ги напушти нејзините редови.

Новата партија, чие име треба да биде откриено утре, ќе биде третата инкарнација на прогресивното движење, кое беше распуштено во 2020 година поради прекршување на законот за финансирање на кампањата што доведе до масовни протести. паг/

Фото: МИА архива