Ракометарките поразени од Шпанија во квалификациите за ЕП
- Шпанките беа доминантни на теренот во Скопје, а нашите ракометарки пружија слаб отпор и на крајот беа убедливо поразени.
![Ракометарките поразени од Шпанија во квалификациите за ЕП](https://mia.mk/index.php/images/20240229205534_big_730x400_20.webp )
Скопје, 29 февруари 2024 (МИА) - Женската ракометна репрезентација претрпе пораз од Шпанија со 31:19 (17:11) на средбата која вечерва се одигра во СЦ „Борис Трајковски“ во рамките на квалификациите за Европското првенство кое оваа година ќе се одржи во Австрија, Унгарија и Швајцаријa.
Во третиот меч од квалификациите, за женската ракометна репрезентација ова беше прв пораз.
Шпанките беа доминантни на теренот во Скопје, а нашите ракометарки пружија слаб отпор и на крајот беа убедливо поразени.
Барбоса беше најпрецизна со 7 гола за победничиот тим, додека за македонската репрезентација Ристовска со 6 гола беше најдобар стрелец.
Двете селекции повторно ќе се соочат во Ланзароте на 3 март.дс
Фото: РФМ