Пчеларите од кумановско загрижени за сезоната поради секојдневните врнежи
- Пчеларите од кумановскиот регион се загрижени за влијанието на временските услови за годинешните приноси, информираа денеска од здружението „Пчела“.
![Пчеларите од кумановско загрижени за сезоната поради секојдневните врнежи](https://mia.mk/index.php/images/20230603143854_big_730x400_89.webp )
Куманово, 3 јуни 2023 (МИА) - Пчеларите од кумановскиот регион се загрижени за влијанието на временските услови за годинашните приноси, информираа денеска од здружението „Пчела“.
Изминатиов месец речиси секојдневно имаше врнежи кои делумно ја стопираше пчелната паша. Доцнеше и цветањето на багремите. За нив е добро што температурите се движеа од 20 до 23 степени и што зимата беше релативно блага.
- - Временските услови во мај не беа соодветни за пчеларството. Секојдневните дождови им ја ускратија пчелната паша, пчелите беа затворени и предизвика роев нагон. Сепак, очекуваме подобро услови во јуни, изјави претседателот на здружението „Пчела“, Бобан Стошевски.
Во Куманово расте интересот за пчеларство и од здружението велат дека се особено горди на сѐ поголемиот број жени пчеларки и млади. ам/свс/
Фото: МИА архива