Продолжува реконструкцијата на пешачката патека на улица Љубљанска во општина Карпош
- Реконструкцијата на пешачката патека на улицата Љубљанска е во тек, а екипите на ЈП Улици и патишта деновиве го асфалтираа потегот од улицата Волгоградска кон улицата Разловечко востание, на
![Продолжува реконструкцијата на пешачката патека на улица Љубљанска во општина Карпош](https://mia.mk/index.php/images/20221113135759_big_730x400_59.webp )
Скопје, 19 мај 2022 (МИА) - Реконструкцијата на пешачката патека на улицата Љубљанска е во тек, а екипите на ЈП Улици и патишта деновиве го асфалтираа потегот од улицата Волгоградска кон улицата Разловечко востание, на површина од 550 квадратни метри.
Општина Карпош соопшти дека пешачката патека се реконструира на вкупна површина од 2300 квадратни метри, во насока од булевар Партизански одреди до булеварот Илинден, а досега се реконструирани и асфалтирани околу 1000 квадратни метри. Во наредниот период, градежните активности продолжуваат на потегот од улицата Разловечко востание до булевар Илинден.
Со обновувањето на пешачката патека ќе се олесни движењето на пешаците на овој потег и и ќе се зголеми безбедноста за сите учесници во сообраќајот во овој дел на градот, посочуваа од Општина Карпош. ев/цр