При контроли во угостителски објекти во скопски Карпош утврдено точење алкохол на малолетници, приведени три лица
- На 29/30.07.2022 на подрачјето на Карпош во рамки на „Безбедно лето 2022“ извршена е контрола во угостителски објекти со цел преземање на мерки и активности за спречување на нарушување на јав
![При контроли во угостителски објекти во скопски Карпош утврдено точење алкохол на малолетници, приведени три лица](https://mia.mk/index.php/images/20221113191025_big_730x400_53.webp )
Скопје, 30 јули 2022 (МИА) - На 29/30.07.2022 на подрачјето на Карпош во рамки на „Безбедно лето 2022“ извршена е контрола во угостителски објекти со цел преземање на мерки и активности за спречување на нарушување на јавниот ред и мир и контрола точење и продавање на алкохол на малолетници.
Како што соопшти МВР, при контролата во еден од нив биле затекнати две малолетни женски лица како консумираат алкохол, за што против родителот/старателот на малолетниците, правното лице, одговорните и вработената во правното лице ќе биде поднесен соодветен поднесок.
Воедно, при контрола на патничко возило приведени се М.Г.(39), М.В.(38) и С.Н.(44), сите од Скопје и на истите им е сочинет записник за констатирани прекршоци од Закон за лични карти и од Законот за безбедност на сообраќајот и патиштата. нд/лв/