Привремена забрана за дронови во Њу Џерси од безбедносни причини
- Забраната ќе трае до 17 јануари 2025 година и се однесува на сите дронови без специјална дозвола од владата.

Вашингтон, 19 декември 2024 (МИА) - Американската Федерална управа за авијација (FAA) воведе привремена забрана за користење на дронови во неколку области во Њу Џерси поради безбедносни причини.
Забраната ќе трае до 17 јануари 2025 година и се однесува на сите дронови без специјална дозвола од владата.
Во изминативе недели, илјадници луѓе забележале дронови на ноќното небо во Њу Џерси, што предизвика страв и шпекулации меѓу жителите.
ФАА предупреди дека кршењето на забраната може да доведе до административни и кривични мерки, вклучувајќи одземање лиценца и апсење. ссм/
фото: архива