Претседателот Пендаровски и сопругата Ѓоргиевска присуствуваа на „Галичка свадба“
- Претседателот на државата Стево Пендаровски, заедно со сопругата, Елизабета Ѓоргиевска денеска присуствуваа на 47. издание на манифестацијата „Галичка свадба“, што се одржува под негово покро
![Претседателот Пендаровски и сопругата Ѓоргиевска присуствуваа на „Галичка свадба“](https://mia.mk/index.php/images/20221107233108_big_730x400_56.webp )
Скопје, 18 јули 2021 (МИА) - Претседателот на државата Стево Пендаровски, заедно со сопругата, Елизабета Ѓоргиевска денеска присуствуваа на 47. издание на манифестацијата „Галичка свадба“, што се одржува под негово покровителство.
За време на викендот, беа одржани традиционалните свадбарски обичаи и адети кои изобилуваат со автентични носии, изворни песни и ора, карактеристични за мијачкиот фолклор.
Честитајќи го склучувањето на бракот на годинашните младенци, Катерина Илиевска и Филип Бундовски, кој е по потекло од Галичник, како што соопштија од Кабинетот на шефот на државата, претседателот Пендаровски и сопругата Ѓоргиевска им подарија „галичка пафта“ со мотив од галичка носија и им посакаа долговечен и хармоничен заеднички живот исполнет со многу љубов, здравје и среќа.
Манифестацијата „Галичка свадба“ со своето опстојување придонесува да се негуваат единствените свадбарски обичаи и ритуали, на жителите од овој крај, да се сочуваат изворните песни, ора, и надалеку познатата галичка носија изработена со филигрантска прецизност и точност на терзиите.
Oфицијалниот почеток на годинешната Галичка свадба беше означен вчера со поставување на свадбарското знаме и симболичниот чин на „фрлање три пушки“ од куќата на зетот, a свеченоста заврши денеска со испраќањето на тајфата Мајовци. цр/лв/
![Галичка 1](/articles/images/pretsedatelot-pendarovski-i-soprugata-orgievska-prisustvuvaa-na-galich/ELMO6F9bI/placeholder.webp?use_watermark=0)
![Галичка](/articles/images/pretsedatelot-pendarovski-i-soprugata-orgievska-prisustvuvaa-na-galich/iETCB7sdD/placeholder.webp?use_watermark=0)
![Пендаровски 3](/articles/images/pretsedatelot-pendarovski-i-soprugata-orgievska-prisustvuvaa-na-galich/SXQGeTCZg/placeholder.webp?use_watermark=0)
![Пендаровски](/articles/images/pretsedatelot-pendarovski-i-soprugata-orgievska-prisustvuvaa-na-galich/5wbJE2lPP/placeholder.webp?use_watermark=0)
![Пендаровски 1](/articles/images/pretsedatelot-pendarovski-i-soprugata-orgievska-prisustvuvaa-na-galich/44UCd4fet/placeholder.webp?use_watermark=0)