Претседателот на МД „Илинден“-Тирана во Виена оствари средби со претставници на словенските малцинства во Европа
- Претседателот на македонското друштво „Илинден" - Тирана, Никола Ѓурѓај на маргините на 25-от семинар на работната група на словенските малцинства оствари одвоени средби со претставници на по
![Претседателот на МД „Илинден“-Тирана во Виена оствари средби со претставници на словенските малцинства во Европа](https://mia.mk/index.php/images/20221128065336_big_730x400_88.webp )
Дебар, 21 ноември 2022 (МИА) - Претседателот на македонското друштво „Илинден" - Тирана, Никола Ѓурѓај на маргините на 25-от семинар на работната група на словенските малцинства оствари одвоени средби со претставници на повеќе организации.
![Ѓурѓај со Ангелика Млинар](/articles/images/d0bfd180d0b5d182d181d0b5d0b4d0b0d182d0b5d0bbd0bed182-d0bdd0b0-d0bcd0b4/WE2U6dl0H/placeholder.webp?use_watermark=0)
-Имав срдечна средба со д-р Ангелика Млинар, Словенка во Австрија, новоизбраната претседателка на работната група на словенските малцинства во Европа (АГСМ).Таа е поранешна министерка одговорна за развој, стратешки проекти и кохезија во Словенија, поранешна европратеничка и поранешен член на Националниот совет на Австрија. Разменивме мислења за повеќе прашања, а детално ја информирав со положбата на Македонците во Албанија и проблемите со кои се соочуваме, рече Ѓурѓај за МИА.
Тој посебно ја издвојува средбата со Евгенија Нацулиду, претставничката на организација „Крсте Мисирков - Движење за промоција на македонскиот мајчин јазик" на македонското малцинство во Република Грција.
- Чувството на задоволство беше големо што ете двајца Македонци кои живеат во различни држави се сретнавме и разговаравме за нашите Македонци, како и напорите и активностите на друштвата за подобрување на нашите права, изјави тој.![Ѓурѓај со македонката Нацулиду](/articles/images/d0bfd180d0b5d182d181d0b5d0b4d0b0d182d0b5d0bbd0bed182-d0bdd0b0-d0bcd0b4/QtWDbWd9l/placeholder.webp?use_watermark=0)
![Ѓурѓај со македонката Нацулиду](/articles/images/d0bfd180d0b5d182d181d0b5d0b4d0b0d182d0b5d0bbd0bed182-d0bdd0b0-d0bcd0b4/QtWDbWd9l/placeholder.webp?use_watermark=0)
Ѓурѓај, меѓу другите се сретнал и со Олга Воглауер пратеничка на Партијата на зелените во австрискиот парламент, како и со Маринко Цулафиц, претседател на заедницата на Црногорците во Република Албанија.
Семинарот е најголемиот собир на словенските малцинства во Европа. Учествуваа 52 преставници на организации членки на АГСМ при ФУЕН од дванаесет Европски земји.
- Она што беше исклучително позитивно за Македонците во Република Албанија е фактот што имав обраќа во кое за пошироката јавност ја презентирав положбата и проблемите што ги засегаат Македонците во Албанија и активностите на нашето друштво, вели Ѓурѓај задоволен од учеството на овој настан.
Семинарот е најголемиот собир на словенските малцинства во Европа. Учествувале 52 претставници на организации членки на оваа група на словенските од дванаесет европски земји. вт/дма/